Молитва о умножении любви и искоренении злобы

Тропарь

Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

Кондак

Пламенем любве распали к Тебе сердца наша, Христе Боже, да тою разжизаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняше славим Тя, всех благ Дателя.